MUHAMMAD YUSUF BAYONIYNING XIVA ADABIY MUHITIDA TUTGAN OʻRNI
Annotatsiya
Xiva xonligida yuzaga kelgan adabiy muhit ulkan iste’dod sohiblarini kamolga yetkazdi. Muhammad Rahimxon Soniy rahnamoligida yuzaga kelgan adabiy muhitning namoyondasi, xon saroyidagi shoir, tarixnavis olim va tarjimon Muhammad Yusuf Bayoniy hisoblanadi. Shoir yozgan bir devon va Xorazm tarixiga oid ikki asar va uning tarjimalari Xiva adabiy muhitini yorituvchi manbalardan biri sanaladi. Muhammad Yusuf Bayoniy tarixchi Shermuhammad Munis va Muhammad Rizo Ogahiy asarlarini bir jildga to‘plab, qisqartirib, sodda til bilan qayta yozib chiqqan. Muallif yozgan “Shajarai Xorazmshohiy” asari nafaqat tarixiy balki, adabiy lavhalarga boy asardir.Ushbu asar orqali Xorazm xalqining urf-odat va marosimlarini bilib olish mumkin. Bu maqolada Bayoniy ijodi va uning “Shajarai Xorazmshohiy” asari ahamiyati qiyosiy tahlil qilingan.