Oriental Universiteti v.b. dotsenti
Annotatsiya
Ushbu maqolada derivatsion jarayon haqida va uning so‘z birikmalariga ta’siri haqida yoritilgan bo‘lib, derivatologiya so‘zining etimologik kelib chiqishi lotin tilidagi derivo so‘ziga borib taqaladi, “rad etaman” maʼnosini anglatadi. Demak, derivatologiya – derivatsiyani o‘rganuvchi fandir. Tilshunoslikda derivatsiya atamasi yaqin vaqtgacha faqat so‘zlarning shakllanishi (derivatsiya – so‘z shakllanishi) sifatida tushunilgan. Biroq, derivatologiya faqatgina so‘z yasalishi haqidagi fan emas, u kengroq maʼnoda qo‘llaniladi. Derivatsiya – so‘z, gap, so‘zning grammatik shakllari, SBlari, frazeologik birliklar, bo‘g‘inlar, qo‘shimchalarni; matnlarni, yaʼni, fonemadan matngacha bo‘lgan barcha til birliklarining shakllanish jarayonini qamrab oladi. Binobarin, derivatologiya til birliklarining shakllanish jarayonlari haqidagi fandir. So‘z yasalishi esa derivatologiyaning alohida bo‘limlaridan biridir.