TOSHKENT SHAHRINING EKOLOGIK VAZIYATI
Annotatsiya
Aholi salomatligi va kasallanish koʻrsatkichlari bevosita tabiiy, iqtisodiy-ijtimoiy sharoitga, ayniqsa atrof-muhitning ekologik vaziyatiga bogʻliq. Ayniqsa, bugungi kunda yirik shaharlarda, jumladan Toshkent shahrida ekologik vaziyatning oʻzgarishi bilan aholi salomatligi bilan bogʻliq qator muammolar yuzaga kelmoqda. Bunday hududlarda allergiya, yurak, qon-tomir, nafas olish, oʻsma kasalliklari asosiy oʻrin tutadi. Bu hol urbotizimlar ekologik monitoringini olib borishda oʻz ifodasini topadi va bunda mahalliy tabiiy geografik sharoit, relyef tuzilishi, mikroiqlimi, atrof-muhitining ifloslanishi, yer usti, yer osti suvlari, tuproqlari, oʻsimlik va hayvonot olami, iqtisodiy-ijtimoiy va demografik omillar taʼsiriga asosiy urgʻu berish muhim ahamiyat kasb etadi.