OLIY TA’LIM MUASSASALARINI MOLIYALASHTIRISHNING HUQUQIY ASOSLARI
Annotatsiya
Bizga ma’lumki, har bir mamlakatning istiqboli avvalambor, shu mamlakatda ta’lim tizimining qanday tashkil etilganligiga bog’liq. Chunki mamlakatda samarali ta’lim tizimini tashkil etmasdan turib, yuqori ko’rsatkichlarga erishishning imkoni yo’q. Shu boisdan ham, mamlakatimiz mustaqillikka erishgan dastlabki davrlardanoq mamlakatda samarali ta’lim tizimini yaratishga harakat qildi. Bu borada dastlab mustahkam huquqiy bazani yaratish lozim. Mazkur tadqiqot ishida ta’lim tizimini, xususan oliy ta’lim tizimini rivojlantirish, samarali moliyalashtirish mexanizmini yaratish maqsadida ishlab chiqilgan va tasdiqlangan asosiy me’yoriy-huquqiy hujjatlar, ularning qisqacha mazmuni tahlil etilgan. Shu bilan birga, tadqiqot natijasi bo’yicha ilmiy xulosa va tavsiyalar ishlab chiqilgan.