ALISHER NAVOIY MUALLIFLIK KORPUSI UCHUN “HAZOYIN UL-MAONIY” KULLIYOTI G‘AZALLARINING TANLANISHI
Annotatsiya
Maqola komputer lingvistikasi sohasini rivojlantirish borasidagi muhim masalalarga bag‘ishlangan. Alisher Navoiyning ilmiy va ijodiy merosini o‘rganish borasida olib borilayotgan innovatsion tadqiqotlar, xususan, “Xazoyin ul-maoniy” kulliyoti asosida Alisher Navoiy mualliflik korpusining yaratilishi haqida ba’zi mulohazalar yoritilgan. Alisher Navoiyni xalqqa yaqinlashtirish, uning bebaho ma’naviy merosini kelajak avlod ko‘ngil mulkiga aylantirish o‘ta murakkab ilmiy jarayon hisoblanadi. Raqamli texnologiyalar asrida Navoiy g‘azallaridagi izohtalab leksik birliklarning lingvistik xususiyatlarini grammatik va semantik teglab korpusda taqdim etilishi, Navoiy asarlarining keng ommaga tushunarli va o‘qishli bo‘lishi, global tarmoqdagi auditoriyasining ham kengayishini ta’minlaydi.