REKLAMA MATNLARIDA NEOLOGIK BIRLIKLARNING QO‘LLANISHI
Annotatsiya
Reklamalar kundalik hayotimizning ajralmas qismiga aylanib qolganki, istaymizmi, yo‘qmi har qadamda ularga duch kelamiz. Ularda qo‘llanayotgan matn, so‘zlar, tasvir, ohang, ranglar… kishi e’tiborini jalb qilish, xaridorlarni “chaqirish” maqsadida kopirayterlar tomonidan puxta o‘ylanib tanlanadi. Reklama matnlarida qo‘llanilayotgan so‘zlarning adresatlar uchun tushunarli bo‘lishi uning muhim talablaridan biridir. Shu bilan birga, reklamada adresatlar kundalik hayotda qo‘llab kelayotgan birliklarning ifodalanishi reklamalarning samarali bo‘lishini ta’minlaydi, ya’ni reklama qilinayotgan mahsulotni maqsadli auditoriyaga yaqinlashtiradi. Ushbu maqolada tilimizga kirib kelayotgan yangi so‘zlar – neologizmlar, ularning tilga o‘zlashtirilishi, shu bilan birga, reklama matnlarida faol qo‘llanishda ekanligi xususida so‘z yuritiladi. Reklama matnlarida qo‘llangan neologik birliklar tahlilga tortiladi.