AS-DILL OZIQ-OVQAT QO’SHILMALARINING ANTIOKSIDANT FAOLLIGINI O'RGANISH.
Annotatsiya
Aholi salomatligi davlatning eng qimmatli boyligidir. Uni saqlab qolish uchun farmatsevtika sanoati oldida aholini sifatli dori vositalari bilan ta’minlash vazifasi turibdi. Bu borada amalga oshirilgan chora-tadbirlar asosida tabiiy xomashyo asosida raqobatbardosh dori vositalari ishlab chiqarishni tashkil etishda bir qator muhim amaliy natijalarga erishildi. "As-Dill" oziq-ovqat qo’shilmasining antioksidant faolligi erkin radikallarga (O2, OH*, HO2) va to'yinmagan yog'li kislotalarning erkin radikallariga (RO*, RO2) ta'sir qilish qobiliyatiga ega. Ushbu ilmiy ishning maqsadi ukrop urug'lari va zubturumo’simligi barglari asosida ishlab chiqilgan "As-Dill" oziq-ovqat qo’shilmasining antioksidant xususiyatini aniqlashdir. Tadqiqot natijasida spektrofotometrik usul yordamida optik zichlikni aniqlash orqali “As-Dill” oziq-ovqat qo’shilmasining antioksidant xususiyatlari tahlil qilindi va oziq-ovqat qo’shilmasining antioksidant faolligi hisoblab chiqildi.