BOBUR – TARIX VA ADABIYOT ORALIG‘IDAGI QAHRAMON: “BABUR THE TIGER” VA “YULDUZLI TUNLAR” QIYOSIY TAHLILI
Annotatsiya
Ushbu maqolada buyuk tarixiy shaxs – Zahiriddin Muhammad Bobur siymosining badiiy talqini va uning adabiyotdagi aks sadosi tahlil qilinadi. Asosan amerikalik yozuvchi Harold Lamb tomonidan yaratilgan “Babur the Tiger” romani hamda o‘zbek yozuvchisi Pirimqul Qodirovning “Yulduzli tunlar” romanidagi Bobur obrazining qiyosiy tahlili amalga oshiriladi. Maqolada tarixiy faktlarning badiiy asarlarda qay darajada aks ettirilgani, yozuvchilarning tarixiy voqealarga bo‘lgan munosabati, shuningdek, Bobur obrazining psixologik, siyosiy va ma’naviy jihatdan yoritilishi o‘rganiladi. Har ikki asarda qahramonning ichki kechinmalari, davlatparvarlik g‘oyalari, ilm-ma’rifatga bo‘lgan munosabati va tarixiy shaxs sifatidagi xarakter xususiyatlari tahlil etiladi.