MAKTABGACHA TAʼLIM TASHKILOTI INNOVATSION FAOLIYATINI RIVOJLANTIRISH JARAYONI
Annotatsiya
Bugungi kunda maktabgacha taʼlim tashkilotlarida yaratilayotgan sharoitlar va zamonaviy oʻzgarishlar barcha imkoniyatlardan foydalanish, oʻziga va faoliyatiga talabchan boʻlish, ota-onalar bilan hamkorlikni yoʻlga qoʻyish, kasbiy mahoratni egallash, oʻzini oʻzi rivojlantirish hamda oʻz qobiliyati va imkoniyatlarini toʻliq ishga solish imkonini beradi. Bu esa malakali mutaxassislarga boʻlgan ehtiyojni oshirmoqda. Shu bilan birga, oʻtkazilgan tahlillar bolalarning maktabgacha taʼlim bilan qamrovini taʼminlash, tashkilotlarni zamonaviy oʻquv-metodik materiallar va badiiy adabiyotlar bilan taʼminlash, malakali pedagogik va boshqaruv kadrlarini jalb qilish masalalarini hal etish zarurligini koʻrsatmoqda. Eʼtibor maktabgacha taʼlim tashkilotlarini takomillashtirish, sifatli taʼlimdan teng foydalanish imkoniyatini taʼminlash va nodavlat sektorni rivojlantirishga qaratilmoqda.