BO`LAJAK O`QITUVCHILARDA FUTUROLOGIK TAHLIL QILISH KO`NIKMALARINI RIVOJLANTIRISHNING MUHIM ASPEKTLARI
Annotatsiya
Ushbu maqolada 21 asr ko`nikmalaridan biri hisoblangan futurologik tahlil qilish ko`nikmalarini rivojlantirishning o`ziga hos jihatlari o`ranilgan. Ushbu izlanish bo`lajak o`qituvchilarda kelajakda davlatning ta’lim sohasidagi taktik va strategik yo`nalishini belgilashini optimallashtiradi. Shu maqsadda yurtimizda ta’lim olayotgan pedagogika yo`nalishidagi talabalarning futurologiya, futurologik ko`nikmalar va kompetensiyalarga oid bilimlari tadqiq etildi. Tadqiqotning originalligini va validligini ta’minlash uchun halqaro futurologik institutlar, nodavlat tashkilotlar, davlatlar rivojlanishini ta’minlashga yo`naltirilgan agentliklar va xalqaro assotsiatsiyalarning tajribasiga suyangan holda so`rovnoma ishlab chiqildi, sotsiometrik metodlar, pedagogik tajriba-sinov, natijalarni matematik-statistik tahlil etish usullaridan foydalanildi. Bundan tashqari ushbu tadqiqot natijalariga asoslanib kelajakda futurologik ko`nikmalarni rivojlantirish mamlakatimizning nafaqat ta’lim sohasini balki iqtisod, siyosat, boshqaruv, ekologiya, sog`liqni saqlash va IT sohalariga ham ulkan ta`siri bor ekanligini hisobga oladi.