AXBOROT MAKONIDAGI TRANSFORMATSIYALASHUVNING DIALEKTIK MAZMUNI
Annotatsiya
Maqolada axborotlashgan jamiyatda yangi bilimni olish usuli hisoblash texnikasini qoʻllashga asoslanganligi, zamonaviy fanning metodlari hajmi jihatidan juda katta boʻlgan maʼlumotlarni toʻplash imkonini berishi, axborot makonida yangi yondashuvlar vujudga kelganligi tadqiq etilgan. Shuningdek alohida faktlarni izlash oʻrniga korrelyatsiyalarni, tendensiyalarni oʻrnatish uchun maʼlumotlar bazasi qoʻllanishi, ilmiy maʼlumotlar informatsion operatsiyalar orqali olinishi bayon etilgan. Demak, yangi axborotlashgan jamiyatda ishlab chiqarishning manbai bilimni toʻplash texnologiyalari, axborotni qayta ishlash va simvolik kommunikatsiyalarga bogʻliq. Jamiyat rivojlanishida bilim va axborot doim katta ahamiyatga ega. Shu bilan birga, jamiyatda axborotning rivojlanishi va bilimga taʼsiri ishlab chiqarish manbai sifatida oʻrganilgan.