TRANSPORT MASALASINING MATEMATIK MODELLASHTIRILISHI VA OPTIMALLASHTIRISH “SHIMOLIY-G‘ARB BURCHAK” USULI
Annotatsiya
Maqola transport masalasini matematik dasturlash va optimallash sohasidagi muhimligini ko‘rib chiqadi, uning nazariy asoslari va amaliy yechimlarini tahlil qiladi. Keltirilgan adabiyotlar, jumladan, Акулич И.Л., Badalov F.B., Кузнецов А.В. va boshqalarning ishlari transport masalasining matematik modellari, tayanch plan tuzish usullari va optimal yechim topish algoritmlarini o‘rganishga yordam beradi. Tadqiqot metodologiyasi chiziqli dasturlash asosida matematik modellashtirish, shimoliy-g‘arb burchak va kichik elementlar usullari orqali boshlang‘ich plan tuzish, potensiallar usuli yordamida optimal yechim topish kabi bosqichlarni qamrab oladi. Maqolada transport masalasining yopiq va ochiq turlari, shuningdek, tarif matritsasi va maqsad funksiyasi kabi asosiy tushunchalar tushuntiriladi. “Shimoliy-g‘arb burchak” usuli misolida boshlang‘ich tayanch plan tuzish jarayoni batafsil ko‘rsatilgan bo‘lib, umumiy xarajatni minimallashtirishga misol keltiriladi. Excel va Python kabi zamonaviy vositalar yordamida hisoblashni avtomatlashtirish imkoniyatlari ham muhokama qilinadi. Maqola transport masalasini o‘rganuvchi tadqiqotchilar va amaliyotchi mutaxassislar uchun foydali manba hisoblanadi.