TIL O‘QITISHDA INTEGRATSION TEXNOLOGIYALARINING NAZARIY ASPEKTLARI
Annotatsiya
Mazkur maqolada til o‘qitish jarayonida integratsion texnologiyadan foydalanishning nazariy asoslari va filologik tahlilning ahamiyati ko‘rib chiqiladi. Muallif integratsion yondashuv doirasida psixolingvistika, sotsiolingvistika hamda filologik tadqiqotlar natijalarini uyg‘unlashtirish orqali ta’lim samaradorligini oshirish imkoniyatlarini tahlil qiladi. Shuningdek, maqolada zamonaviy texnologiyalar, interaktiv platformalar va an’anaviy didaktik uslublar uyg‘unligi tahlil etilib, o‘quvchilarda ko‘p qirrali til kompetensiyasini shakllantirish usullari ko‘rsatib beriladi. Tadqiqot natijalari shuni ko‘rsatadiki, har bir darsda filologik tahlilni metodik yondashuvga qo‘shish, talabalarning tilni chuqurroq tushunishiga va madaniy ko‘nikmalarini rivojlantirishga ijobiy ta’sir qiladi.