XORAZM XALQ SOVET RESPUBLIKASINING ILK MATBUOTI: “INQILOB QUYOSHI”
Annotatsiya
Xorazmda matbuotning paydo boʻlishi bevosita Muhammad Rahimxon Feruz tashabbusi bilan tashkil etilgan 1874 yildagi – toshbosma bilan bogʻliq hisoblanadi. Oʻz oʻrnida, toshbosma rivojiga oʻz hissasini qoʻshgan birinchi oʻzbek litografi O.Abdalovning roli katta ekanligiga ahamiyat berilgan. Shundan kelib chiqqan holda, maqolada “Inqilob quyoshi” gazetasi faoliyatining yoʻlga qoʻyilishi, davriy matbuot uchun asos boʻlgan toshbosma hamda O.Abdalovga oid boʻlgan maʼlumotlar, gazetalarning diqqat markazida turgan masalalar, ijtimoiy-siyosiy hamda maʼnaviy-maʼrifiy xabarlar, oʻlka tarixini oʻzida qamrab olgan jarayonlar oʻz aksini topgan. Maqolada Xorazm tarixini oʻrganishda “Inqilob quyoshi” gazetasining tutgan oʻrni, gazeta sahifalaridan oʻrin olgan ruknlar, maqola va xabarlarning mazmun-mohiyati tahlil etilgan.