“TOSHSHAHARTRANSXIZMAT” JAMOAT TRANSPORTI BOʻLINMALARI FAOLIYATINING SAMARADORLIGINI BAHOLASH: 2020–2023 YILLAR MISOLIDA
Annotatsiya
Ushbu tadqiqotda Toshkent shahrida jamoat transporti xizmatlarini koʻrsatuvchi “Toshshahartransxizmat” korxonasi faoliyati samaradorligi tahlil qilindi. Qaror qabul qiluvchi birliklar (DMU) sifatida korxona tarkibidagi 8 ta avtobus saroyi tanlab olindi hamda 2020–2023 yillar oraligʻidagi maʼlumotlar asosida tahlil qilindi. Panel-korreksiya qilingan standart xatoliklar (PCSE) regressiyasi usuli yordamida natijaviy koʻrsatkichlarga eng katta taʼsir koʻrsatuvchi kirish (input) omillari aniqlanib, ularning statistik ahamiyati baholandi. Olingan natijalar asosida Data Envelopment Analysis (DEA) modeli qoʻllanilib, samaradorlik koʻrsatkichlari hisoblab chiqildi. Ushbu model samaradorligi past boʻlgan DMUlarning faoliyatini yuqori samarali muqobillarga moslashtirish orqali ularning natijalarini yaxshilash imkonini beradi.