O‘QUV TAYYORLOV GURUHI GANDBOLCHILARIDA MASHG‘ULOT YUKLAMALARINI RIVOJLANTIRISH SAMARADORLIGI
Annotatsiya
Ushbu maqolada tayyorlov guruhi gandbolchilarining jismoniy tayyorgarligi jarayonida mashg‘ulot yuklamalarini ilmiy asosda rejalashtirish va ularning samaradorligini oshirish masalalari tahlil etilgan. Tadqiqot davomida sportchilarga yuklama hajmi va shiddatiga ko‘ra bosqichma-bosqich yondashuv qo‘llanilib, ularning funksional holati yurak urish tezligi, maksimal kislorod iste’moli (VO2 max) va yugurish masofasi kabi mezonlar asosida baholandi. Olingan natijalar shuni ko‘rsatdiki, mashg‘ulot jarayonida yuklamalarni individual tarzda tartibga solish sportchilarning jismoniy holatini yaxshilashda muhim ahamiyat kasb etadi. Shuningdek, maqolada sportchilar salomatligini kuzatish, nazorat qilish va mashg‘ulotlar samaradorligini oshirish tizimini joriy etish bo‘yicha amaliy tavsiyalar ishlab chiqilgan