Yuqori texnologik noinvaziv kardiovizualizatsiya usullarini yurak ishemik kasalligi avj olishini erta tashxislash va prognozlashdagi orni
Annotatsiya
Yurak ishemik kasalligini (YuIK) erta aniqlash va uni avj olish xavfini baholashda ilg‘or noinvaziv vizualizatsiya usullari, jumladan, koronar arteriyalarning multispiral kompyuter tomografik angiografiyasi (MSKT-AG) imkoniyatlari va ahamiyati to‘g‘risidagi zamonaviy ma’lumotlar tizimlashtirilgan. Mazkur sharhda MSKT-AGning koronar aterosklerozni kompleks baholashdagi mohiyati batafsil ko‘rib chiqilgan. Koronar kalsiyning miqdoriy tahlili yurak-qon tomir noxush hodisalarining muhim prediktori sifatida ta’kidlanadi. Koronar arteriyalarning stenozlanish darajasini aniq baholashda, shuningdek, aterosklerotik pilakchalarni (AP) tavsiflashda, ularning tuzilishi, zichligi va beqarorlik belgilarini aniqlashda usulning imkoniyatlari muhokama qilinadi. AP shakllanishiga javoban tomir devorining adaptiv yoki patologik o‘zgarishlarini aks ettiruvchi tomirlarni remodellashuvi indeksini baholashga alohida e’tibor qaratildi. MSKT-AG ma’lumotlari asosida hisoblangan qon oqimining fraksion zaxirasini (FFR) aniqlash muhim jihat bo‘lib, bu koronar aterosklerozning beqarorlashuvida va optimal davolash taktikasini tanlashda ahamiyatga molik stenozlarning gemodinamik ahamiyatini noinvaziv baholash imkonini beradi.