IJTIMOIY BILISH DARAJALARINING MEZONLARI
Annotatsiya
Ushbu maqolada ilmiy bilishning empirik va nazariy darajalari oʻrtasidagi munosabatlar, ularni ajratish mezonlari hamda ushbu ikki daraja oʻrtasidagi chegaralarning nisbiy va oʻzgaruvchan xususiyati tahlil qilinadi. Turli falsafiy oqimlar, ayniqsa postpozitivizm, gnoseologik va metodologik yondashuvlar asosida empirik va nazariy bilishning farqlari, oʻzaro bogʻliqligi va ilmiy tafakkurdagi oʻrni chuqur oʻrganiladi. Maqola doirasida bilish darajalari obyekt, metod, til, tushuncha va tafakkur shakllari asosida ajratiladi hamda ularning birligi va qarama-qarshiligi ilmiy bilish jarayonining tarkibiy qismi sifatida qaraladi. Mazkur tadqiqot ilmiy bilim tuzilmasi, nazariy tushunchalarning shakllanishi va empirik maʼlumotlar asosida ilmiy nazariyalarni qurish mexanizmlarini anglashga yordam beradi.