YETTISHAHAR DAVLATINING BUYUK BRITANIYA IMPERIYASI BILAN ALOQALARI
Annotatsiya
Ushbu maqolada XIX asrning 60–70-yillarida Yettishahar davlati bilan Buyuk Britaniya imperiyasi oʻrtasidagi siyosiy va diplomatik aloqalar tarixiy manbalar asosida tahlil qilinadi. Maqolada Muhammad Yoqubbek boshchiligidagi Yettishahar davlatining tashqi siyosiy strategiyasi, ingliz razvedkasi va diplomatik doiralari bilan oʻzaro munosabatlar, shuningdek, “Katta oʻyin” doirasidagi ingliz manfaatlari yoritiladi. Asosiy eʼtibor ingliz manbalarida aks etgan Yoqubbek siyosati, Qoshgʻardagi ingliz josuslari faoliyati va ingliz tashqi siyosatining sinchkov pozitsiyasiga qaratiladi. Savdo, qurol-aslaha taʼminoti va razvedka faoliyatining mintaqadagi kuch muvozanatiga taʼsiri ochib beriladi. Manba sifatida ingliz, rus va oʻzbek tarixchilari asarlari, shuningdek, zamonaviy tahliliy tadqiqotlar asos qilib olingan.