“NURLI MASKAN” TAʼLIM MUASSASALARIDA OʻQUVCHILARNI IJTIMOIY HAYOTGA TAYYORLASH BOʻYICHA KORREKSION-PEDAGOGIK ISHLARNING TASHKIL ETILISHINI OʻRGANISH VA NATIJALAR TAHLILI
Annotatsiya
“Nurli maskan” tipidagi maxsus taʼlim muassasalarida tahsil olayotgan koʻzi ojiz va zaif koʻruvchi oʻquvchilarning ijtimoiy hayotga tayyorlanish jarayoni tahlil etiladi. Asosiy eʼtibor ushbu muassasalarda olib borilayotgan korreksion-pedagogik ishlarning mazmuni, shakllari va samaradorligiga qaratilgan. Tadqiqotda oʻquvchilarning ijtimoiy-munosabatga kirishish, mustaqil hayotga moslashish, kommunikativ koʻnikmalarni egallash jarayonlari oʻrganilib, bu boradagi metodik yondashuvlar va amaliy faoliyatlar taqqoslama tahlil asosida yoritilgan. Shuningdek, ilmiy ishda korreksion-pedagogik choralarning oʻquvchilarda mustaqil fikrlash, shaxsiy tashabbus va hayotiy maqsadlarni shakllantirishdagi ahamiyati statistik maʼlumotlar va kuzatuvlar asosida asoslab berilgan. Tadqiqot natijalari maxsus taʼlim tizimida ijtimoiy adaptatsiyaga yoʻnaltirilgan pedagogik strategiyalarni takomillashtirish uchun ilmiy va amaliy asos boʻlib xizmat qiladi.