AL-XORAZMIYNING ILMIY TADQIQOT HAQIDAGI QARASHLARINING DOLZARBLIGI VA AHAMIYATI
Annotatsiya
Ushbu maqolada buyuk alloma Muhammad ibn Muso al-Xorazmiy ilmiy tadqiqotga oid qarashlarining dolzarbligi va zamonaviy fan taraqqiyotidagi ahamiyati tahlil qilinadi. Al-Xorazmiyning algebra, arifmetika, astronomiya, geografiya va boshqa fan sohalaridagi ilmiy izlanishlari nafaqat oʻz davrida, balki keyingi asrlarda ham fundamental ilmiy asos boʻlib xizmat qilgani koʻrsatib oʻtiladi. Maqolada olimning ilmiy metodologiyasi, tajriba va kuzatuvga asoslangan yondashuvi, shuningdek, uning ilmiy merosining hozirgi davr ilmiy-amaliy faoliyatida tutgan oʻrni ochib beriladi. Tadqiqot davomida tarixiy tahlil, qiyosiy yondashuv va ilmiy-nazariy umumlashtirish usullaridan foydalanilgan. Natijada, Al-Xorazmiyning ilmiy izlanishlarga oid gʻoyalari bugungi kunda ilm-fan va taʼlim tizimining innovatsion rivojlanishida metodologik asos boʻlib xizmat qilishi isbotlangan.