O‘ZBEKISTONDAGI KICHIK BIZNES VA XUSUSIY TADBIRKORLIK SOHASIDA XODIMLARNI MOTIVATSIYA QILISH TIZIMINING HOZIRGI HOLATI TAHLILI
Annotatsiya
Ushbu maqolada O‘zbekiston KO‘B sektorida xodimlarni motivatsiya qilish tizimining hozirgi holati empirik ma’lumotlar asosida tahlil qilingan. 100 dan oshiq korxona va 1500 nafardan ortiq xodim ishtirokida olib borilgan tadqiqot moddiy rag‘batlantirish usullarining ustunligini (64,8%) va nomoddiy motivatsiya vositalarining kam qo‘llanilishini (o‘rtacha 35%) aniqlagan. Korrelyatsion tahlil motivatsiya va mehnat unumdorligi o‘rtasida kuchli musbat bog‘liqlik (r = 0,78, p < 0,001) mavjudligini ko‘rsatadi. Tadqiqot natijalariga ko‘ra, kompleks motivatsiya tizimini qo‘llaydigan korxonalarda xodimlar qoniqishi 74,8%, rotatsiya esa 14,8% ni tashkil etgan. Maqolada tadqiqot natijalaridan kelib chiqib, KO‘B sektorida motivatsion tizimni yanada takomillashtirish hamda uning samaradorligini oshirish bo‘yicha ilmiy takliflar berilgan.