FARGʻONA VODIYSI OʻZBEKLARI MODDIY MADANIYATIGA DOIR QARASHLAR TAHLILI
Annotatsiya
Ushbu maqolada Fargʻona vodiysi oʻzbeklarining moddiy madaniyatiga doir qarashlar etnologik tahlil qilinadi. Tadqiqotda moddiy madaniyatning asosiy tarkibiy qismlari – turar joylar, kiyim-kechak, taqinchoqlar, oziq-ovqat mahsulotlari – nafaqat tavsifiy jihatdan, balki ularning ijtimoiy hayot va qadriyatlar bilan uzviy bogʻliqligi asosida oʻrganiladi. Moddiy madaniyat namunalarida aks etgan ramzlar, belgilar, diniy-falsafiy qarashlar va eʼtiqodiy tasavvurlar etnosning ijtimoiy turmush tarzini anglashda muhim manba boʻlib xizmat qiladi. Shu nuqtai nazardan, milliy uy-joy meʼmorchiligi, uning shakllanishiga taʼsir etuvchi ekologik, ijtimoiy va iqtisodiy omillar, shuningdek, oʻzbeklarning qadimiy urf-odat va eʼtiqodlari keng yoritiladi. Tadqiqotda Abu Nasr Farobiy, Abu Ali ibn Sino, B. Malinovskiy, M. Mauss kabi mutafakkir va olimlarning nazariy qarashlari asosida moddiy madaniyatni ijtimoiy hayotning tarkibiy qismi sifatida baholash ilmiy asoslangan.