АУТИСТИК СПЕКТР БУЗИЛИШЛАРИДА ИНДИВИДУАЛ РЕАБИЛИТАЦИЯ СТРАТЕГИЯЛАРИНИ ШАКЛЛАНТИРИШНИНГ КЛИНИК-ПСИХОЛОГИК АСОСЛАРИ (АДАБИЁТЛАР ШАРҲИ)
Annotatsiya
Резюме. Ушбу адабиётлар шарҳи аутистик спектр бузилишларида (АСБ) индивидуал реабилитация стратегияларини шакллантиришнинг клиник-психологик асосларини таҳлил қилади. АСБ марказий нерв тизимининг ривожланишидаги мураккаб бузилишлар билан тавсифланиб, когнитив, эмоционал, коммуникатив ва ижтимоий функцияларга салбий таъсир кўрсатади. Шарҳда индивидуализациялашган реабилитация дастурларининг биопсихосоциал моделга асосланганлиги, мультидисиплинар жамоа фаолияти, комплекс клиник-психологик баҳолаш ва оилавий-ижтимоий қўллаб-қувватлашнинг аҳамияти кўрсатиб ўтилган. Шу билан бирга, хулқ-атвор терапияси, нутқ ва коммуникатив тренинглар, когнитив-нейропсихологик машғулотлар, эмоционал-регуляция тренинглари ва психососиал ёндашувлар индивидуал стратегияларни муваффақиятли амалга оширишда асосий компонентлар сифатида ажратилган. Калит сўзлар: аутистик спектр бузилишлари, индивидуал реабилитация стратегиялари, когнитив ва эмоционал ривожланиш, мультидисиплинар ёндашув.
Hali tarjima qilinmagan