ПОРТАЛ ГИПЕРТЕНЗИЯДА ОШҚОЗОН-ИЧАК ЙЎЛИНИНГ ЮҚОРИ ҚИСМЛАРИДА ЖОЙЛАШГАН ВАРИКОЗ КЕНГАЙГАН ВЕНАЛАРДАН ҚОН КЕТИШИНИНГ ЭТИОПАТОГЕНЕЗИ (АДАБИЁТЛАР ШАРҲИ)
Annotatsiya
Резюме. Портал гипертензия сурункали жигар касалликларининг энг хавфли асоратларидан бири бўлиб, жигар циррози билан касалланган беморларда ўлимнинг асосий сабабчисидир. Жаҳон соғлиқни сақлаш ташкилоти маълумотларига кўра, портал гипертензия бутун дунё бўйлаб ҳар йили 300 000 дан ортиқ беморнинг ҳаётига зомин бўлмоқда. Қизилўнгач ва ошқозоннинг варикоз кенгайган веналаридан қон кетиши портал гипертензиянинг энг оғир ва ҳаёт учун хавфли асоратларидан бири ҳисобланади. Бундай ҳолларда, ҳатто етарли даражада дори-дармон ва эндоскопик даволаш ўтказилганда ҳам, ўлим даражаси 10-40 фоизга етиши мумкин. Клиник тадқиқотлар шуни кўрсатадики, клиник аҳамиятга эга бўлган портал гипертензияли (жигар веноз босими градиэнти ≥ 12 mmHg) беморларнинг тахминан 30-40 фоизида ўткир варикоз қон кетиши кузатилади. Калит сўзлар: портал гипертензия, қизилўнгач ва ошқозоннинг варикоз кенгайган веналари, ошқозон-ичак йўлининг юқори қисмларидан қон кетиши, жигар веноз босими градиэнти (HVPG)
Hali tarjima qilinmagan