BOSHLANG'ICH SINFLARDA TABIIY FANLAR DARSLARI JARAYONIDA BARQAROR RIVOJLANISH MAQSADLARINI INTEGRATSIYALASH: NAZARIY ASOSLAR VA AMALIY METODIK YONDASHUVLAR
Annotatsiya
Mazkur maqolada boshlang‘ich sinflarda “Tabiiy fanlar” darslari jarayoniga Barqaror rivojlanish maqsadlari (BRM)ni integratsiyalashning nazariy asoslari va amaliy-metodik yondashuvlari ilmiy tahlil qilinadi. Integratsiya konsepsiyasi kompetensiyaviy yondashuv, konstruktivizm, tizimli-tafakkur (systems thinking), tadqiqotga yo‘naltirilgan o‘qitish (inquiry-based learning) hamda STEAM elementlari asosida asoslanadi. Mamlakat miqyosida BRM kun tartibini milliy strategiyalar bilan uyg‘unlashtirish bo‘yicha 2018-yilda qabul qilingan qaror doirasida BRMning milliy ko‘rsatkichlar tizimi shakllantirilgani, xususan 16 ta milliy BRM, 125 ta vazifa va 206 ta ko‘rsatkich tasdiqlangani integratsiyani ta’lim mazmuni va natijalariga “o‘lchanadigan” tarzda bog‘lash imkonini beradi.