ОШҚОЗОН-ИЧАК ТРАКТИ ЮҚОРИ ҚИСМИ АНАСТОМОЗЛАРИ ЕТИШМОВЧИЛИГИНИ ДАВОЛАШДА ЭНДОСКОПИК ВАКУУМ-ТЕРАПИЯНИНГ КЛИНИК САМАРАДОРЛИГИ
Annotatsiya
Резюме. Ушбу тадқиқотнинг мақсади ошқозон-ичак тракти юқори қисми анастомозлари чоклари етишмовчилигини даволашда эндоскопик вакуум-терапия (ЭВТ) ва OVESCO (OTSC) клипсаларининг клиник самарадорлигини баҳолаш. Тадқиқот ретроспектив ва проспектив қиёсий характерга эга бўлиб, жами 45 нафар бемор таҳлил қилинди. Ретроспектив гуруҳда (n=25) анъанавий хирургик даволаш усуллари қўлланилди, проспектив гуруҳда (n=20) эса замонавий эндоскопик технологиялар – ЭВТ ва OTSC клипсалари ишлатилди. Анастомоз чоклари етишмовчилиги умумий операцияларнинг 3,75% ҳолатларида кузатилди. Ретроспектив гуруҳда леталлик 28% ни ташкил этган бўлса, проспектив гуруҳда ушбу кўрсаткич 10% гача пасайди. Қайта очиқ операцияларга бўлган эҳтиёж 100% дан 10% гача камайди. Госпитализация муддати ўртача 40 кундан 25 кунга қисқарди. Энг самарали тактика сифатида “ЭВТ → OTSC” кетма-кетлиги аниқланди. Хулоса: Эндоскопик вакуум-терапия анастомоз чоклари етишмовчилигини даволашда самарали, кам инвазив ва орган сақловчи усул ҳисобланиб, леталлик ва асоратлар частотасини сезиларли камайтиради. Калит сўзлар: анастомоз етишмовчилиги, эндоскопик вакуум терапия, OVESCO, OTSC, гастрэктомия, эзофагоеюноанастомоз.
Hali tarjima qilinmagan