КОМБИНАЦИЯЛАНГАН АЛИМЕНТАР МИКРОЭЛЕМЕНТОЗДА 6 ОЙЛИК ОҚ ЗОТСИЗ КАЛАМУШЛАР ОШҚОЗОН ШИЛЛИҚ ҚАВАТИНИНГ СТРУКТУР-ПРОЛИФЕРАТИВ ХУСУСИЯТЛАРИ

Резюме. Мақолада комбинацияланган алиментар микроэлементоз шароитида 6 ойлик оқ зотсиз каламушлар ошқозон шиллиқ қаватида юзага келадиган структур-пролифератив ўзгаришлар ўрганилди. Тадқиқотда назорат гуруҳи ва магний, темир, рух ҳамда селен танқислиги моделлаштирилган тажриба гуруҳи таҳлил қилинди. Морфометрик баҳолашда шиллиқ қават, шиллиқ ости асоси, мушак ва сероз қават қалинлиги, ошқозон чуқурчалари чуқурлиги, ошқозон безлари узунлиги ва зичлиги, бурмалар сони, париетал ва бош ҳужайралар миқдори аниқланди. Шунингдек, Ki-67 маркери орқали иммуногистокимёвий таҳлил ўтказилди. Комбинацияланган микроэлемент танқислигида шиллиқ қаватнинг кескин юпқалашиши, эпителий десквамацияси, вакуолизация, гидропик дистрофия, безлар архитектоникасининг бузилиши, лимфоцитар инфильтрация ва Ki-67 экспрессиясининг хаотик ортиши аниқланди. Олинган натижалар комбинацияланган алиментар микроэлементоз 6 ойлик каламушларда ошқозон шиллиқ қаватининг чуқур морфофункционал бузилишларига олиб келишини кўрсатади. Калит сўзлар: ошқозон, шиллиқ қават, микроэлементоз, магний, темир, рух, селен, Ki-67, морфометрия.

Hali tarjima qilinmagan