" IZZET QIZ " DÁSTANI TILINDE REŃ BILDIRIWSHI FRAZEOLOGIZMLERDIŃ QOLLANILIW ÓZGESHELIKLERI
Annotatsiya
Tilimizde óziniń rawajlanıw tariyxı boyınsha birqansha waqıtlar dawamında bir-biri menen birigip qáliplesken birneshe sózlerden quralǵan sóz dizbekleri bar bolıp, bunday sózlerdi frazeologiyalıq sóz dizbekleri dep ataymız. Frazeologiyalıq sóz dizbekleri xalqımızdıń sózlik qorında erte dáwirlerden baslap qollanılıp qáliplesip ketkenlikten sózdiń ele de ótkirligin kórkemligin arttıırıp otıradı. Bul sıyaqlı sóz dizbekleri xalıq awızeki dóretiwshiliginıń ólmes miyrasları bolǵan dástanlarda jiyi ushırasadı. Dástan tiliniń emocional, ekspressivlik tásirsheńligin arttırıp otıradı. Sonday-aq, qaraqalpaq folklorı basqa túrkiy xalıqlar qatarında óziniń bay folklorlıq miyrasları menen ajıralıp turadı. Olardıń kóp variantlılıǵı, basqa xalıqlardaǵı versiyaları, dástanlardıń til ózgeshelikleri arnawlı izertlewlerdi talap etedi.