SHAXSGA YO'NALTIRILGAN TA'LIM KONSEPSIYASI ASOSIDA MAKTABGACHA TA'LIM JARAYONIDA MONTESSORI TEXNOLOGIYALARINI SAMARALI QO'LLASH YO'LLARI
Annotatsiya
Mazkur maqolada shaxsga yo‘naltirilgan ta’lim konsepsiyasi asosida maktabgacha ta’lim jarayonida Montessori texnologiyalarini samarali qo‘llash masalalari kompleks tahlil qilinadi. Tadqiqotda Montessori pedagogikasining nazariy-metodologik asoslari, uning bolalarning individual rivojlanish ehtiyojlarini qondirishdagi o‘rni hamda ta’lim jarayonini individuallashtirishdagi imkoniyatlari yoritib berilgan. Shuningdek, Montessori muhitining didaktik xususiyatlari, o‘yin va mustaqil faoliyat orqali bolalarda kognitiv, ijtimoiy va emotsional kompetensiyalarni shakllantirish mexanizmlari ilmiy asosda tahlil qilinadi. Tadqiqot davomida kuzatish, taqqoslash va pedagogik tahlil metodlaridan foydalanilib, Montessori texnologiyalarini amaliyotga joriy etishning samarali yo‘llari aniqlangan. Olingan natijalar shuni ko‘rsatadiki, shaxsga yo‘naltirilgan yondashuv asosida Montessori texnologiyalaridan foydalanish maktabgacha yoshdagi bolalarning mustaqil fikrlash, o‘z-o‘zini boshqarish hamda ijodiy faolligini rivojlantirishga xizmat qiladi. Tadqiqot xulosalari maktabgacha ta’lim muassasalari faoliyatini takomillashtirish, pedagoglarning kasbiy kompetensiyalarini rivojlantirish hamda zamonaviy ta’lim texnologiyalarini joriy etishda ilmiy-amaliy ahamiyatga ega.