МАЪНАВИЙ МЕРОСИМИЗ "АВЕСТО"ДА АДОЛАТ МАСАЛАСИ
Annotatsiya
Аждодларимизнинг бебаҳо тарихий- адабий ёдгорлиги “Авесто [3]”да адолат масаласига алоҳида эътибор берилган. Зардуштийлик дини илгари сурган ахлоқий- ижтимоий идеал кейинчалик ўрта асрлар фалсафасида ҳар қандай адолатсизлик, зулмат ва ҳуқуқсизликка қарши курашиб, ҳаққоний, инсонпарвар ва эркин ҳаёт барпо этган одил подшолар ҳақидаги қарашларда ўзининг маънавий ривожини топади. Ота- боболаримиз адолат, ҳақиқат, тинчлик ва осайишталикни теран англаганликлари учун оилада, жамоада, жамиятда адолат ўрнатиш, ўз амалий фаолиятларида адолат қоидаларига қатъий риоя қилишга ва фарзандларини ҳам шу руҳда тарбиялашга жиддий эътибор берганлар.Бу ўлмас ғоялар ҳозир ҳам ўз аҳамиятини сақлаб қолмоқда. Ушбу мақолада халқимизнинг бебаҳо тарихий ёдгорлиги “Авесто”да адолат тўғрисида илгари сурилган ғояларнинг бугунги кундаги аҳамияти ҳақида сўз юритилади.