BACHADON CHO'ZILISH SINDROMI: KELIB CHIQISH SABABLARI VA EPIDEMIOLOGIYA
Annotatsiya
Bachadon cho'zilish sindromi zamonaviy ginekologiyaning dolzarb muammolaridan biri bo'lib, ayollarning hayot sifatini sezilarli darajada pasaytiradi. Ushbu sharh maqolasida bachadon cho'zilish sindromining etiopatogenez mexanizmlari, asosiy xavf omillari va epidemiologik xususiyatlari tahlil qilingan. Tadqiqotda 2015-2024 yillarda nashr etilgan ilmiy manbalar va xalqaro ma'lumotlar bazalari (PubMed, Scopus, Web of Science) asosida o'n mingdan ortiq bemor qatnashgan 127 ta tadqiqot natijasi umumlashtirildi. Adabiyotlar tahlili shuni ko'rsatdiki, kasallik reprodruktiv yoshda 2-3%, postmenopauzada 30-40% hollarda uchraydi. Asosiy etiologik omillarga tug'ruq travmalari (64%), dishormonel o'zgarishlar (23%) va irsiy displaziya (15%) kiradi. Xavf omillari orasida ko'p tug'ruqlilik (OR=4.2), semizlik (OR=2.8) va menopauza (OR=3.5) ajralib turadi. Molekulyar-genetik tadqiqotlar kollagen genlarida polimorfizm mavjudligini va ularning xavfni 3.5 barobar oshirishini aniqladi