ХОРАЗМ ВИЛОЯТИДА ЯШОВЧИ АХОЛИ ОРАСИДА ҚАНДЛИ ДИАБЕТ БИЛАН КАСАЛЛАНГАН БЕМОРЛАРДА ТЕРИ ШИКАСТЛАНИШИНИНГ МОРФОМЕТРИК КЎРСТКИЧЛАРИ
Annotatsiya
Жаҳон соғлиқни сақлаш ташкилоти (ЖССТ) тадқиқот гуруҳи ҳисоботига кўра, “Диабетик оёқ синдроми” тушунчаси қандли диабетнинг асоратларидан бири сифатида белгиланади. Бу ҳолат диабетнинг кўз, буйрак, асаб ва юрак-қон томир тизимига таъсир қилувчи асоратлари қаторида турибди (ЖССТ, 2007). Бу оёқнинг анатомик ва функционал ўзгаришлари мажмуаси бўлиб, диабетик нейропатия, микро ва макроангиопатиялар фонисида юзага келадиган оғир некроз жараёнларидан иборат бўлади. Ҳар бир фактор алоҳида етакчи роль ўйнаши мумкин, лекин одатда уларнинг барчаси маълум даражада иштирок этади. Диабетик оёқ синдроми қандли диабетнинг энг кўп учрайдиган асоратидир. Жаҳон соғлиқни сақлаш ташкилоти маълумотларига кўра, дунёда 220 миллиондан зиёд қандли диабет билан касалланган беморлар мавжуд (ЖССТ, 2018).