TASVIRIY SAN'AT TA'LIMIDA KUBIZM OQIMI ASOSIDA KOMPOZITSIYA ISHLASH METODIKASI ("BAXTLI OILA" MISOLIDA)
Annotatsiya
Ushbu maqolada oliy va umumiy o'rta ta'lim muassasalarining tasviriy san'at darslarida zamonaviy san'at yo'nalishlaridan biri – kubizm oqimi asosida kompozitsiya ishlash metodikasi ilmiy-amaliy jihatdan tadqiq etilgan. "Baxtli oila" mavzusi misolida realistik obyektlarni geometrik shakllarga ajratish (dekonstruksiya qilish), ko'p nuqtai nazarlilik qonuniyatlaridan foydalanish va abstrakt tafakkurni rivojlantirish bosqichlari batafsil yoritilgan. Tadqiqot jarayonida kubizm uslubida rasm chizish o'quvchi va talabalarning fazoviy tasavvurini, kreativligini va shakl tahlili ko'nikmalarini qanday qilib kognitiv jihatdan o'stirishiga e'tibor qaratilgan. Shuningdek, an'anaviy oilaviy qadriyatlarni zamonaviy tasviriy vositalar orqali ifodalashning o'ziga xos estetik va psixologik xususiyatlari ochib berilgan.