AHOLI ORASIDA YURAK-QON TOMIR TIZIMI KASALLIKLARI KELIB CHIQISHIDA OVQATLANISHNING O'RNI (CHUST TUMAN MISOLIDA)
Annotatsiya
Annotatsiya. Ushbu maqolada 35-yoshdan katta aholida Yurak qon-tomir kasalliklarining(YQT) kelib chiqishida ovqatlanish omilining ta’siri gigiyenik jihatdan tahlil qilingan. Tadqiqot davomida 42 nafar 35-yoshdan katta aholining kunlik ratsioni, ovqatlanish tartibi va antropometrik ko‘rsatkichlari (bo‘y, vazn, tana vazni indeksi (TMI)) o‘rganildi. Olingan natijalar shuni ko‘rsatdiki, aholi ratsionida yog‘li va qovurilgan ta’omlarning ko’p iste’moli, sabzavot va mevalarning kunlik ratsionda miqdor jihatdan yetishmasligi aholi orasida YQT kasalliklari xavf omili bo‘lmish semizlik va buning oqibatida gipertoniya, yurak ishemik kasalligi kelib chiqishiga bevosita ta’sir ko‘rsatadi. Tadqiqot xulosalari aholi orasida sog‘lom ovqatlanishni tashkil etish bo‘yicha amaliy tavsiyalar ishlab chiqishga xizmat qiladi.