MAKTAB O'QUVCHILARI OVQATLANISHINING GIGIYENIK MONITORINGI VA SALOMATLIK KO'RSATKICHLARI BILAN BOG'LIQLIGI
Annotatsiya
Annotatsiya: Maktab yoshidagi bolalar organizmi intensiv o‘sish va rivojlanish bosqichida bo‘lib, bu davrda to‘g‘ri ovqatlanish ularning jismoniy, fiziologik va psixik rivojlanishida muhim omil hisoblanadi. Mazkur ilmiy maqolada maktab o‘quvchilari ovqatlanishining gigiyenik monitoringi, ovqatlanish ratsionining muvozanatliligi hamda uning salomatlik ko‘rsatkichlari bilan o‘zaro bog‘liqligi tahlil qilindi. Tadqiqot davomida o‘quvchilarning kunlik ovqatlanish rejimi, oziq-ovqat mahsulotlarining energetik qiymati, makro va mikroelementlar bilan ta’minlanganlik darajasi, sanitariya-gigiyenik sharoitlar hamda jismoniy rivojlanish ko‘rsatkichlari o‘rganildi. Olingan natijalar ratsional ovqatlanish o‘quvchilarning immunologik barqarorligini, jismoniy rivojlanishini va o‘quv faoliyatini yaxshilashini ko‘rsatdi. Noto‘g‘ri ovqatlanish esa metabolik buzilishlar, kamqonlik, gipovitaminoz va ortiqcha tana vazni kabi muammolarga olib kelishi aniqlangan.