DRON VA SUN'IY YO'LDOSH TASVIRLARIDA ADAPTIV SOHALI KONTRAST OSHIRISH ALGORITMI
Annotatsiya
Qishloq xo'jalik tasvirlarida past kontrast muammosini hal etish maqsadida adaptiv sohali kontrast oshirish algoritmi taklif etilgan. Algoritm lokal standart og'ish va Sobel gradienti yordamida past kontrastli hududlarni avtomatik aniqlab, ularga CLAHE va unsharp masking texnikalarini selektiv qo'llaydi. SIRI-WHU ma'lumotlar bazasida sinovdan o'tkazilgan usul BRISQUE metrikasi bo'yicha 21,9% va GCF bo'yicha 37,7% yaxshilanishni ta'minladi. Tasvirlarning o'rtacha 40% qismi past kontrastli deb aniqlanib, faqat ushbu hududlar qayta ishlandi. Global CLAHE, Histogram Equalization, Gamma Correction va Unsharp Masking usullari bilan taqqoslaganda, taklif etilgan yondashuv artefaktlarni oldini olgan holda optimal kontrast oshirishni amalga oshiradi.