"VIRUSLARNING GEN MUHANDISLIGIDA QO'LLANILISHI"
Annotatsiya
Ushbu maqolada viruslarning gen muhandisligida qo‘llanilish imkoniyatlari hamda ularning molekulyar biologiyadagi ilmiy va amaliy ahamiyati tahlil qilinadi. Viruslar genetik materialni hujayraga yuqori samaradorlik bilan yetkazish xususiyatiga ega bo‘lganligi sababli gen muhandisligida muhim biologik vektorlar sifatida keng qo‘llaniladi. Xususan, adenoviruslar, retroviruslar va lentiviruslar genlarni hujayralarga yetkazib beruvchi tizimlar sifatida gen terapiyasi, vaksina ishlab chiqish, rekombinant oqsillar sintezi hamda gen funksiyasini o‘rganish jarayonlarida muhim o‘rin tutadi. Maqolada virus vektorlarining tuzilishi, ularning genetik materialni hujayraga kiritish mexanizmlari, biotexnologik jarayonlardagi amaliy qo‘llanilishi hamda xavfsizlik bilan bog‘liq ayrim masalalar ilmiy nuqtayi nazardan yoritiladi.