O'ZBEKISTONDA QULAY INVESTITSIYA MUHITINI SHAKLLANTIRISH IMKONIYATLARI VA ISTIQBOLLARI
Annotatsiya
Mazkur maqolada O‘zbekistonda qulay investitsiya muhitini shakllantirishning institutsional, huquqiy, moliyaviy va hududiy omillari tahlil qilindi. Tadqiqotning asosiy g‘oyasi shundan iboratki, investitsiya muhiti faqat kapital oqimi hajmi yoki soliq imtiyozlari bilan baholanmaydi; u investor huquqlarining real himoyasi, davlat xizmatlari tezligi, infratuzilma sifati, kapital bozori chuqurligi, mahalliy biznes bilan kooperatsiya va siyosat barqarorligi orqali namoyon bo‘ladi. Maqolada 2025-yilda asosiy kapitalga investitsiyalar hajmining 591,1 trln so‘mga yetgani ijobiy dinamika sifatida baholandi, biroq investitsiya sifatini oshirish, xususiy kapitalni kengroq jalb qilish va hududlar kesimidagi nomutanosibliklarni kamaytirish dolzarb vazifa sifatida ko‘rsatildi