Effect of Term Growth on the Growth, Productivity, Storage and Biochemical Composition of Batat Varieties
Аннотация
Мақолада суғориладиган типик бўз тупроқларда батат навларини турли кўчат ўтказиш муддатларида ўсиши, ҳосил шаклланиши, ҳосилдорлиги, сақланувчанлиги ва биокимёвий таркибини ўрганиш натижалари келтирилган. Батат навларининг ўсиши, ривожланиши ва маҳсулдорлигига кўчат ўтказиш муддатлари сезиларли таъсир этиб, энг кўп кўчат чиқими (15,0-20,7 дона), баланд бўйли (158,1-191,6 см), шохланган (13,6-15,6 дона), бақувват палакли, баргланган (219-274 дона) ёки барг сатҳили (0,66-0,78 м2) ўсимликлар кўчатлар 30 апрелда ўтказилганда қайд этилди. Кўчат ўтказиш муддатлари ва ўрганилган батат навлари бўйича ҳосилдорлик гектаридан 34,5-53,6 тоннагача ўзгариб, энг юқори товар ҳосилдорлик (50 т/га ва ундан зиёд) батат Сочакинур, Тойлоқи ва Филиал навлари кўчати 30 апрелда ўтказилганда кузатилди. Шунда сақлангандан сўнг соғлом стандарт туганаклар чиқими 93,5-96,5% ни ташкил этиб, биокимёвий таркиби узоқ сифатли сақланиши қайд қилинган.