ФИТРАТ ИЖОДИ ВА ФАОЛИЯТИГА БИР НАЗАР: “МУНОЗАРА” ВА ИСТАНБУЛ БУХОРО ЖАМИЯТИ ХАЙРИЯСИ
Annotatsiya
Фитрат ХХ аср бошлари туркистонлик зиёлиларнинг кўзга кўринган вакилларидан бири. У қисқа давр мобайнида ҳеч ким танимаган мадраса талабаси даражасидан Туркистон жадидчилигининг ғоявий етакчиларидан бирига айланиб улгурди. Унинг, Туркияда нашр қилиниб, Туркистонга яширинча олиб келинган “Мунозара” ва “Баёноти сайёҳи ҳиндий” деб номланган илк насрий асарлари ўлкада янги усул мактабларининг кенг ёйилишига катта таъсир кўрсатди. У бухоролик ёшлар ичидан биринчилардан бўлиб Истанбулга юборилди. У ерда Фитрат янги ташкил этилган Бухоро хайрия жамияти ишларини юргизиш билан бирга ўқишини ҳам давом эттирди. Мақолада Фитратнинг Туркияда, хусусан, Истанбулда Бухоро ёшлари ишларидаги фаолияти таҳлил қилинган. Бундан ташқари, Фитратнинг Туркияга юборилиши ҳамда “Мунозара” асарининг ёзилиши билан боғлиқ масалалар танқидий нуқтаи назардан ўрганилган.