KARYERLARDAGI AVTOMOBIL YO‘LLARIDAGI CHANGLARNI BOSTIRISH UCHUN PREPARATLAR YARATISH VA ULARNI SINOVDAN O‘TKAZISH TADQIQOTLARI
Annotatsiya
Maqolada karyerlarning avtomobil yo‘llaridagi changlarni bostirish uchun preparatlar yaratish va ularni sinovdan o‘tkazish to‘g‘risidagi natijalar keltirilgan. Yaratilgan chang bostiruvchi preparat texnik kraxmal va magniy xlorid asosidagi kompozitsiya eritmasini reologik xossalari o‘rganilgan. Kompozitsiyada texnik kraxmal miqdorini ortishi bilan uning qovushqoqligini ortishi va temperaturaning ko‘tarilishi bilan qovushqoqlikni kamayishi aniqlangan. Texnik kraxmal va magniy xloridning suvli eritmasini tayyorlash uchun maxsus yarim sanoat qurilmasi yaratilganligi va unda kompozitsiya eritmasini tayyorlash jarayoni to‘g‘risidagi ma’lumotlar ham keltirilgan. Yaratilgan chang bostiruvchi preparatlar Muruntau karyeridagi avtomobil yo‘llaridagi changni bostirish uchun sinovdan o‘tkazilgan. Olingan natijalar asosida yaratilgan preparat bilan sepilgandan so‘ng avtomobil yo‘llaridagi chang miqdori 5 sutka (120 soat) dan keyin 15,6 mg/m3 dan 2,6 mg/m3 gacha kamayishi va kompozitsiyaning maqbul tarkibi 6,0 mass.% texnik kraxmal va 7,0 mass.% magniy xloriddan iborat ekanligi aniqlangan.