Mahalliy ikkilamchi chiqindi xom ashyolaridan foydalanib sintetik cho‘yan olish texnologiyasini takomillashtirish
Annotatsiya
Ushbu maqolada mahalliy ikkilamchi chiqindi xomashyolardan foydalanib, sintetik cho‘yan ishlab chiqarish texnologiyasini yaratish va amaliyotga tatbiq etish muammolari o‘rganildi. Tadqiqot jarayonida qayta ishlangan metall parchalari, sanoat chiqindilari va boshqa ikkilamchi xomashyolarning tarkibi hamda sifati tahlil qilindi, shuningdek, ularning cho‘yan eritmalariga ta’siri ko‘rib chiqildi. Ishlab chiqarish jarayonida yuzaga keladigan asosiy muammolar xomashyo tarkibining o‘zgaruvchanligi, zararli qo‘shimchalarni nazorat qilishdagi qiyinchiliklar, yuqori energiya sarfi, hamda ekologik talablarga muvofiqlik masalalari tahlil etildi. Sintetik cho‘yan sifatini oshirish va ishlab chiqarish samaradorligini ta’minlash uchun takomillashtirilgan texnologik еchimlar tavsiya qilindi.